bichhaD gaya hai kahan kaun kuchh pata hi nahin
bichhaḌ gayā hai kahāñ kaun kuchh pata hī nahīñ
safar meñ jaise koī apne saath thā hī nahīñ
kisī se rabt baḌhā.eñ tū mat ḳhafā honā
ki dil meñ ab tirī yādoñ kā silsila hī nahīñ
sab apne apne masīhā ke intizār meñ haiñ
kisī kā jaise zamāne meñ ab ḳhudā hī nahīñ
ik umr kaT ga.ī kāġhaz siyāh karte hue
qalam ko apne jo likhnā thā vo likhā hī nahīñ
'qamar' vo shaḳhs hamāre nagar meñ kyā aayā
butoñ ko bhī hai gila koī pūjtā hī nahīñ
bichhaD gaya hai kahan kaun kuchh pata hi nahin
safar mein jaise koi apne sath tha hi nahin
kisi se rabt baDhaen tu mat KHafa hona
ki dil mein ab teri yaadon ka silsila hi nahin
sab apne apne masiha ke intizar mein hain
kisi ka jaise zamane mein ab KHuda hi nahin
ek umr kaT gai kaghaz siyah karte hue
qalam ko apne jo likhna tha wo likha hi nahin
'qamar' wo shaKHs hamare nagar mein kya aaya
buton ko bhi hai gila koi pujta hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
