chaak-e-daman-e-qaba dagh-e-junun-saz bahut

chāk-e-dāmān-e-qabā dāġh-e-junūñ-sāz bahut

ham ne paa.e haiñ dar-e-yār se e.azāz bahut

ham se pūchho ki ġham-e-furqat-e-yārāñ kyā hai

ham ne dekhe haiñ shab-e-hijr ke andāz bahut

raat bhar chāñd se hotī raheñ terī bāteñ

raat khole haiñ sitāroñ ne tire raaz bahut

aaj kyuuñ pahlī sī kuchh vahshat-e-dil koī nahīñ

aaj maddham hai shab-e-ġham tirā āġhāz bahut

ek ham hī ne sameTī hai udāsī terī

shām-e-ġham ham ne uThā.e haiñ tire naaz bahut

chaak-e-daman-e-qaba dagh-e-junun-saz bahut

hum ne pae hain dar-e-yar se eazaz bahut

hum se puchho ki gham-e-furqat-e-yaran kya hai

hum ne dekhe hain shab-e-hijr ke andaz bahut

raat bhar chand se hoti rahen teri baaten

raat khole hain sitaron ne tere raaz bahut

aaj kyun pahli si kuchh wahshat-e-dil koi nahin

aaj maddham hai shab-e-gham tera aaghaz bahut

ek hum hi ne sameTi hai udasi teri

sham-e-gham hum ne uThae hain tere naz bahut