chand un aankhon ne dekha aur hai
chāñd un āñkhoñ ne dekhā aur hai
shahr-e-dil pe jagmagātā aur hai
lams kī vo raushnī bhī bujh ga.ī
jism ke andar añdherā aur hai
ai samundar rāsta denā mujhe
lauh-e-jāñ pe naam likkhā aur hai
vo jo chiḌiyā nāchtī hai shāḳh par
us ke andar ek chiḌiyā aur hai
moḌ par ruk jaa.e ki kachchī saḌak
saath chaltā hai vo rasta aur hai
hijr ke saa.e na tasvīr-e-ḳhizāñ
yaar us ke ghar kā rasta aur hai
tāliyoñ se hall saarā bhar gayā
jāntā huuñ sher sachchā aur hai
chand un aankhon ne dekha aur hai
shahr-e-dil pe jagmagata aur hai
lams ki wo raushni bhi bujh gai
jism ke andar andhera aur hai
ai samundar rasta dena mujhe
lauh-e-jaan pe nam likkha aur hai
wo jo chiDiya nachti hai shaKH par
us ke andar ek chiDiya aur hai
moD par ruk jae ki kachchi saDak
sath chalta hai wo rasta aur hai
hijr ke sae na taswir-e-KHizan
yar us ke ghar ka rasta aur hai
taliyon se hall sara bhar gaya
jaanta hun sher sachcha aur hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
