chhoTe baDe bure bhale din raat ke liye
chhoTe baḌe bure bhale din raat ke liye
har shai hai sirf sūrat-e-hālāt ke liye
maujūd haiñ is ā.īna-ḳhāna meñ har taraf
mere hī aks merī mulāqāt ke liye
jo baat sochne kī hai kab sochtā huuñ meñ
kab sochtā hai koī merī zaat ke liye
phirtī haiñ dil meñ sūrateñ qurb-o-javār kī
ābād hai ye shahr mazāfāt ke liye
chhoTe se peḌ kī jaḌeñ jaatī haiñ duur duur
sahrā meñ rizq DhūñDne har paat ke liye
maiñ ruk gayā chaḌhī huī naddī ke sāmne
kuchh vaqt mere paas thā barsāt ke liye
ham log haiñ saleT pe likkhe hue 'nasīm'
miTnā paḌegā agle savālāt ke liye
chhoTe baDe bure bhale din raat ke liye
har shai hai sirf surat-e-haalat ke liye
maujud hain is aaina-KHana mein har taraf
mere hi aks meri mulaqat ke liye
jo baat sochne ki hai kab sochta hun mein
kab sochta hai koi meri zat ke liye
phirti hain dil mein suraten qurb-o-jawar ki
aabaad hai ye shahr mazafat ke liye
chhoTe se peD ki jaDen jati hain dur dur
sahra mein rizq DhunDne har pat ke liye
main ruk gaya chaDhi hui naddi ke samne
kuchh waqt mere pas tha barsat ke liye
hum log hain saleT pe likkhe hue 'nasim'
miTna paDega agle sawalat ke liye
- Book : Ghazal Calendar-2015 (Pg. 13.12.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
