dard ki dhup se chehre ko nikhar jaana tha

dard kī dhuup se chehre ko nikhar jaanā thā

aa.ina dekhne vaale tujhe mar jaanā thā

raah meñ aise nuqūsh-e-kaf-e-pā bhī aa.e

maiñ ne dānista jinheñ gard-e-safar jaanā thā

vahm-o-idrāk ke har moḌ pe sochā maiñ ne

tū kahāñ hai mire hamrāh agar jaanā thā

āgahī zaḳhm-e-nazāra na banī thī jab tak

maiñ ne har shaḳhs ko mahbūb-e-nazar jaanā thā

qurbateñ ret kī dīvār haiñ gir saktī haiñ

mujh ko ḳhud apne hī saa.e meñ Thahar jaanā thā

tū ki vo tez havā jis kī tamannā be-sūd

maiñ ki vo ḳhaak jise ḳhud hī bikhar jaanā thā

aañkh vīrān sahī phir bhī añdheroñ ko 'nasīr'

raushnī ban ke mire dil meñ utar jaanā thā

dard ki dhup se chehre ko nikhar jaana tha

aaina dekhne wale tujhe mar jaana tha

rah mein aise nuqush-e-kaf-e-pa bhi aae

main ne danista jinhen gard-e-safar jaana tha

wahm-o-idrak ke har moD pe socha main ne

tu kahan hai mere hamrah agar jaana tha

aagahi zaKHm-e-nazara na bani thi jab tak

main ne har shaKHs ko mahbub-e-nazar jaana tha

qurbaten ret ki diwar hain gir sakti hain

mujh ko KHud apne hi sae mein Thahar jaana tha

tu ki wo tez hawa jis ki tamanna be-sud

main ki wo KHak jise KHud hi bikhar jaana tha

aankh viran sahi phir bhi andheron ko 'nasir'

raushni ban ke mere dil mein utar jaana tha