dariya hain phir bhi milte nahin mujhse yar log

dariyā haiñ phir bhī milte nahīñ mujh se yaar log

jur.at kahāñ ki sahrā se hoñ ham-kanār log

jaadū fazā kā thā ki havā meñ milā thā zahr

patthar hue jahāñ the vahīñ be-shumār log

ab saaya o samar kī tavaqqo kahāñ ruke

sūkhe hue shajar haiñ sar-e-rahguzār log

dahshat khulī fazā kī qayāmat se kam na thī

girte hue makānoñ meñ aa baiThe yaar log

ik dūsre kā haal nahīñ pūchhtā koī

ik dūsre kī maut pe haiñ sharmsār log

sūraj chaḌhā to pighlī bahut choTiyoñ kī barf

āñdhī chalī to ukhḌe bahut sāya-dār log

dariya hain phir bhi milte nahin mujh se yar log

jurat kahan ki sahra se hon ham-kanar log

jadu faza ka tha ki hawa mein mila tha zahr

patthar hue jahan the wahin be-shumar log

ab saya o samar ki tawaqqo kahan ruke

sukhe hue shajar hain sar-e-rahguzar log

dahshat khuli faza ki qayamat se kam na thi

girte hue makanon mein aa baiThe yar log

ek dusre ka haal nahin puchhta koi

ek dusre ki maut pe hain sharmsar log

suraj chaDha to pighli bahut choTiyon ki barf

aandhi chali to ukhDe bahut saya-dar log