dast-baston ko ishaara bhi to ho sakta hai
dast-bastoñ ko ishāra bhī to ho saktā hai
ab vahī shaḳhs hamārā bhī to ho saktā hai
maiñ ye aise hī nahīñ chhān rahā huuñ ab tak
ḳhaak meñ koī sitāra bhī to ho saktā hai
ain mumkin hai ki bīnā.ī mujhe dhoka de
ye jo shabnam hai sharāra bhī to ho saktā hai
is mohabbat meñ har ik shai bhī to luT saktī hai
is mohabbat meñ ḳhasāra bhī to ho saktā hai
gar hai sāñsoñ kā tasalsul mirī qismat meñ 'ḳhayāl'
phir ye girdāb kinārā bhī to ho saktā hai
dast-baston ko ishaara bhi to ho sakta hai
ab wahi shaKHs hamara bhi to ho sakta hai
main ye aise hi nahin chhan raha hun ab tak
KHak mein koi sitara bhi to ho sakta hai
ain mumkin hai ki binai mujhe dhoka de
ye jo shabnam hai sharara bhi to ho sakta hai
is mohabbat mein har ek shai bhi to luT sakti hai
is mohabbat mein KHasara bhi to ho sakta hai
gar hai sanson ka tasalsul meri qismat mein 'KHayal'
phir ye girdab kinara bhi to ho sakta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
