dast-e-talab daraaz ziyaada na kar sake

dast-e-talab darāz ziyāda na kar sake

ham zindagī se koī taqāzā na kar sake

chūñki karam pe ham tire shubha na kar sake

bas ai ḳhudā gunāh se tauba na kar sake

jab e'tibār-e-zauq-e-nazar bhī na mil sakā

nazroñ ko apnī vaqf-e-nazāra na kar sake

tū jab qarīb-e-jāñ bhī qarīb-e-nazar bhī thā

ham bhī ba-zo.am-e-ishq i.aada na kar sake

phir to tirā ḳhayāl bhī aayā nahīñ kabhī

phir ham tirī talab bhī gavāra na kar sake

dast-e-talab daraaz ziyaada na kar sake

hum zindagi se koi taqaza na kar sake

chunki karam pe hum tere shubha na kar sake

bas ai KHuda gunah se tauba na kar sake

jab e'tibar-e-zauq-e-nazar bhi na mil saka

nazron ko apni waqf-e-nazara na kar sake

tu jab qarib-e-jaan bhi qarib-e-nazar bhi tha

hum bhi ba-zoam-e-ishq iada na kar sake

phir to tera KHayal bhi aaya nahin kabhi

phir hum teri talab bhi gawara na kar sake