dil ka gham se gham ka nam se rabta banta gaya
dil kā ġham se ġham kā nam se rābta bantā gayā
dhīre dhīre bārishoñ kā silsila bantā gayā
dard-o-ġham sahne kī aadat is qadar puḳhta huī
hārnā āḳhir hamārā mashġhala bantā gayā
ek ik kar ke bahut dukh saath mere ho liye
marhala-dar-marhala ik qāfila bantā gayā
zabt kā dāman jo chhūTā haath se mere to phir
merā chehra karb kā ik aa.inā bantā gayā
har taraf phailā huā thā be-yaqīnī kā dhuāñ
ḳhud-baḳhud 'fārūq' phir ik rāsta bantā gayā
dil ka gham se gham ka nam se rabta banta gaya
dhire dhire barishon ka silsila banta gaya
dard-o-gham sahne ki aadat is qadar puKHta hui
haarna aaKHir hamara mashghala banta gaya
ek ek kar ke bahut dukh sath mere ho liye
marhala-dar-marhala ek qafila banta gaya
zabt ka daman jo chhuTa hath se mere to phir
mera chehra karb ka ek aaina banta gaya
har taraf phaila hua tha be-yaqini ka dhuan
KHud-baKHud 'faruq' phir ek rasta banta gaya
- Book : Funoon (Monthly) (Pg. 398)
- Author : Ahmad Nadeem Qasmi
- Publication : 4 Maklood Road, Lahore (Edition Nov. Dec. 1985,Issue No. 23)
- Edition : Edition Nov. Dec. 1985,Issue No. 23
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
