dil ki dahliz pe jab sham ka saya utra

dil kī dahlīz pe jab shaam kā saaya utrā

ufuq-e-dard se siine meñ ujālā utrā

raat aa.ī to añdhere kā samundar umDā

chāñd niklā to samundar meñ safīna utrā

pahle ik yaad sī aa.ī ḳhalish jaañ ban kar

phir ye nashtar rag-e-ehsās meñ gahrā utrā

jal chuke ḳhvāb to sar nāmā-e-tābīr khulā

bujh ga.ī aañkh to palkoñ pe sitārā utrā

sab ummīdeñ mire āshob-e-tamannā tak thiiñ

bastiyāñ ho ga.iiñ ġharqāb to dariyā utrā

dil ki dahliz pe jab sham ka saya utra

ufuq-e-dard se sine mein ujala utra

raat aai to andhere ka samundar umDa

chand nikla to samundar mein safina utra

pahle ek yaad si aai KHalish jaan ban kar

phir ye nashtar rag-e-ehsas mein gahra utra

jal chuke KHwab to sar nama-e-tabir khula

bujh gai aankh to palkon pe sitara utra

sab ummiden mere aashob-e-tamanna tak thin

bastiyan ho gain gharqab to dariya utra