dil ko rah rah ke ye andeshe Darane lag jaen

dil ko rah rah ke ye andeshe Darāne lag jaa.eñ

vāpsī meñ use mumkin hai zamāne lag jaa.eñ

so nahīñ paa.eñ to sone kī duā.eñ māñgeñ

niiñd aane lage to ḳhud ko jagāne lag jaa.eñ

us ko DhūñDeñ use ik baat batāne ke liye

jab vo mil jaa.e to vo baat chhupāne lag jaa.eñ

har december isī vahshat meñ guzārā ki kahīñ

phir se āñkhoñ meñ tire ḳhvāb na aane lag jaa.eñ

itnī tāḳhīr se mat mil ki hameñ sabr aa jaa.e

aur phir ham bhī nazar tujh se churāne lag jaa.eñ

jiit jā.eñgī havā.eñ ye ḳhabar hote hue

tez āñdhī meñ charāġhoñ ko jalāne lag jaa.eñ

tum mire shahr meñ aa.e to mujhe aisā lagā

juuñ tahī-dāmanoñ ke haath ḳhazāne lag jaa.eñ

dil ko rah rah ke ye andeshe Darane lag jaen

wapsi mein use mumkin hai zamane lag jaen

so nahin paen to sone ki duaen mangen

nind aane lage to KHud ko jagane lag jaen

us ko DhunDen use ek baat batane ke liye

jab wo mil jae to wo baat chhupane lag jaen

har december isi wahshat mein guzara ki kahin

phir se aankhon mein tere KHwab na aane lag jaen

itni taKHir se mat mil ki hamein sabr aa jae

aur phir hum bhi nazar tujh se churane lag jaen

jit jaengi hawaen ye KHabar hote hue

tez aandhi mein charaghon ko jalane lag jaen

tum mere shahr mein aae to mujhe aisa laga

jun tahi-damanon ke hath KHazane lag jaen