dil mein Tisen jag uThti hain pahlu badalte waqt bahut

dil meñ Tīseñ jaag uThtī haiñ pahlū badalte vaqt bahut

apnā zamāna yaad aatā hai sūraj Dhalte vaqt bahut

vo parcham vo sar ke turre aur vo safīne apne the

jin ko dekh ke sho.ale bhī ro.e the jalte vaqt bahut

un shīshoñ ke rezoñ kā marham hai apne zaḳhmoñ par

lamha lamha jo TuuTe talvāreñ chalte vaqt bahut

pal bhar meñ paanī hote dekhe haiñ sanam kirdāroñ ke

ham kaise kah deñ lagtā hai sañg pighalte vaqt bahut

suune kitne baam hue kitne āñgan be-nūr hue

chāñd se chehre yaad aate haiñ chāñd nikalte vaqt bahut

ab har ghar kī chaukhaT ham par hañstī hai to raaz khulā

phuuT phuuT kar roī thiiñ kyuuñ dahlīzeñ chalte vaqt bahut

do nasloñ kī kashtī thī vo pichhle dinoñ jo Duub ga.ī

bhīge jismoñ vaalo lagegā tum ko sambhalte vaqt bahut

dil mein Tisen jag uThti hain pahlu badalte waqt bahut

apna zamana yaad aata hai suraj Dhalte waqt bahut

wo parcham wo sar ke turre aur wo safine apne the

jin ko dekh ke shoale bhi roe the jalte waqt bahut

un shishon ke rezon ka marham hai apne zaKHmon par

lamha lamha jo TuTe talwaren chalte waqt bahut

pal bhar mein pani hote dekhe hain sanam kirdaron ke

hum kaise kah den lagta hai sang pighalte waqt bahut

sune kitne baam hue kitne aangan be-nur hue

chand se chehre yaad aate hain chand nikalte waqt bahut

ab har ghar ki chaukhaT hum par hansti hai to raaz khula

phuT phuT kar roi thin kyun dahlizen chalte waqt bahut

do naslon ki kashti thi wo pichhle dinon jo Dub gai

bhige jismon walo lagega tum ko sambhalte waqt bahut