dil mera dard ke siwa kya hai

dil mirā dard ke sivā kyā hai

ibtidā ye to intihā kyā hai

qadr achchhoñ kī hai mire dam se

maiñ jo achchhā nahīñ burā kyā hai

ġham se chhūTeñ to zindagī na rahe

har nafas aah ke sivā kyā hai

ai mohabbat tujhe ḳhabar hogī

dard uTh uTh ke DhūñDhtā kyā hai

haañ vahī huuñ jise ḳharāb kiyā

chashm-e-hairat se dekhtā kyā hai

ye mohabbat agar nahīñ to mujhe

kuchh batāo ye dard sā kyā hai

kaash samjheñ ye shikva-sanj habīb

naaz kyā chiiz hai adā kyā hai

ibtidā-e-baqā-e-nau kahiye

aur is ke sivā qazā kyā hai

un kī majbūriyāñ nahīñ dekhīñ

juz nigāh-e-ġhalat gila kyā hai

ek parda sā hai fareb-e-nazar

ye bhī uTThe to dekhnā kyā hai

'soz' chashm-e-vafā pe martā huuñ

varna jiine kā aasrā kyā hai

dil mera dard ke siwa kya hai

ibtida ye to intiha kya hai

qadr achchhon ki hai mere dam se

main jo achchha nahin bura kya hai

gham se chhuTen to zindagi na rahe

har nafas aah ke siwa kya hai

ai mohabbat tujhe KHabar hogi

dard uTh uTh ke DhunDhta kya hai

han wahi hun jise KHarab kiya

chashm-e-hairat se dekhta kya hai

ye mohabbat agar nahin to mujhe

kuchh batao ye dard sa kya hai

kash samjhen ye shikwa-sanj habib

naz kya chiz hai ada kya hai

ibtida-e-baqa-e-nau kahiye

aur is ke siwa qaza kya hai

un ki majburiyan nahin dekhin

juz nigah-e-ghalat gila kya hai

ek parda sa hai fareb-e-nazar

ye bhi uTThe to dekhna kya hai

'soz' chashm-e-wafa pe marta hun

warna jine ka aasra kya hai