dukh apna agar hum ko batana nahin aata
dukh apnā agar ham ko batānā nahīñ aatā
tum ko bhī to andāza lagānā nahīñ aatā
pahuñchā hai buzurgoñ ke bayānoñ se jo ham tak
kyā baat huī kyuuñ vo zamāna nahīñ aatā
maiñ bhī use khone kā hunar siikh na paayā
us ko bhī mujhe chhoḌ ke jaanā nahīñ aatā
is chhoTe zamāne ke baḌe kaise banoge
logoñ ko jab aapas meñ laḌānā nahīñ aatā
DhūñDhe hai to palkoñ pe chamakne ke bahāne
aañsū ko mirī aañkh meñ aanā nahīñ aatā
tārīḳh kī āñkhoñ meñ dhuāñ ho ga.e ḳhud hī
tum ko to koī ghar bhī jalānā nahīñ aatā
dukh apna agar hum ko batana nahin aata
tum ko bhi to andaza lagana nahin aata
pahuncha hai buzurgon ke bayanon se jo hum tak
kya baat hui kyun wo zamana nahin aata
main bhi use khone ka hunar sikh na paya
us ko bhi mujhe chhoD ke jaana nahin aata
is chhoTe zamane ke baDe kaise banoge
logon ko jab aapas mein laDana nahin aata
DhunDhe hai to palkon pe chamakne ke bahane
aansu ko meri aankh mein aana nahin aata
tariKH ki aankhon mein dhuan ho gae KHud hi
tum ko to koi ghar bhi jalana nahin aata
- Book : Mera Kiya (Pg. 33)
- Author : Waseem Barelvi
- Publication : Maktaba Jamia Ltd. (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
