duniya ki is bhiD mein kho gae jaane kitne log
duniyā kī is bhiiḌ meñ kho ga.e jaane kitne log
in āñkhoñ se ojhal ho ga.e jaane kitne log
sadme sahte sahte saarī umreñ biit ga.iiñ
aur zamīñ ko oḌh ke so ga.e jaane kitne log
kuchh logoñ ke ghar meñ utrī ḳhushiyoñ kī bārāt
aur ġhamoñ ke bojh ko Dho ga.e jaane kitne log
vaqt ke is bahte dariyā meñ ḳhāmoshī ke saath
apnī naav aap Dubo ga.e jaane kitne log
ek nazar meñ us ne har ik dil ko jiit liyā
ek nazar meñ us ke ho ga.e jaane kitne log
ashkoñ kī barsāt meñ bah ga.ī mahjūrī kī raakh
apne dil ke daaġh ko dho ga.e jaane kitne log
duniya ki is bhiD mein kho gae jaane kitne log
in aankhon se ojhal ho gae jaane kitne log
sadme sahte sahte sari umren bit gain
aur zamin ko oDh ke so gae jaane kitne log
kuchh logon ke ghar mein utri KHushiyon ki baraat
aur ghamon ke bojh ko Dho gae jaane kitne log
waqt ke is bahte dariya mein KHamoshi ke sath
apni naw aap Dubo gae jaane kitne log
ek nazar mein us ne har ek dil ko jit liya
ek nazar mein us ke ho gae jaane kitne log
ashkon ki barsat mein bah gai mahjuri ki rakh
apne dil ke dagh ko dho gae jaane kitne log
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
