dushman hain wo bhi jaan ke jo hain hamare log

dushman haiñ vo bhī jaan ke jo haiñ hamāre log

aur aap ke haiñ dost zamāne meñ saare log

aatā nahīñ hai sāhil-e-bahr-e-fanā nazar

kyā jāneñ paar hote haiñ kis ke sahāre log

kyā jāneñ un kī chaal meñ e.ajāz hai ki sehr

vo bhī unhīñ se mil ga.e jo the hamāre log

ho kis zabāñ se mahfil-e-dildār kī sanā

vo āftāb-e-husn to anjum haiñ saare log

taqsīr-vār-e-ishq jo hotā hai koī zab.h

karte haiñ afv jurm ke un se ishāre log

dekhā baġhaur aib se ḳhālī nahīñ koī

bazm-e-jahāñ meñ sab haiñ ḳhudā ke sañvāre log

chhoḌā na saath hashr tak a.amāl-e-nek 'haqīr'

sab ho ga.e luTā ke lahad meñ kināre log

dushman hain wo bhi jaan ke jo hain hamare log

aur aap ke hain dost zamane mein sare log

aata nahin hai sahil-e-bahr-e-fana nazar

kya jaanen par hote hain kis ke sahaare log

kya jaanen un ki chaal mein eajaz hai ki sehr

wo bhi unhin se mil gae jo the hamare log

ho kis zaban se mahfil-e-dildar ki sana

wo aaftab-e-husn to anjum hain sare log

taqsir-war-e-ishq jo hota hai koi zabh

karte hain afw jurm ke un se ishaare log

dekha baghaur aib se KHali nahin koi

bazm-e-jahan mein sab hain KHuda ke sanware log

chhoDa na sath hashr tak aamal-e-nek 'haqir'

sab ho gae luTa ke lahad mein kinare log