ek main bhi hun kulah-daron ke bich

Obaidullah Aleem

ek main bhi hun kulah-daron ke bich

Obaidullah Aleem

MORE BYObaidullah Aleem

    ek maiñ bhī huuñ kulah-dāroñ ke biich

    'mīr' sāhab ke parastāroñ ke biich

    raushnī aadhī idhar aadhī udhar

    ik diyā rakkhā hai dīvāroñ ke biich

    maiñ akelī aañkh thā kyā dekhtā

    ā.īna-ḳhāne the nazzāroñ ke biich

    hai yaqīñ mujh ko ki sayyāre pe huuñ

    aadmī rahte haiñ sayyāroñ ke biich

    khā gayā insāñ ko āshob-e-ma.āsh

    aa ga.e haiñ shahr bāzāroñ ke biich

    maiñ faqīr ibn-e-faqīr ibn-e-faqīr

    aur askandar huuñ sardāroñ ke biich

    apnī vīrānī ke gauhar roltā

    raqs meñ huuñ aur bāzāroñ ke biich

    koī us kāfir ko us lamhe sune

    guftugū kartā hai jab yāroñ ke biich

    ahl-e-dil ke darmiyāñ the 'mīr' tum

    ab suḳhan hai sho.abada-kāroñ ke biich

    aañkh vaale ko nazar aa.e 'alīm'

    ik mohammad-mustafā sāroñ ke biich

    ek main bhi hun kulah-daron ke bich

    'mir' sahab ke parastaron ke bich

    raushni aadhi idhar aadhi udhar

    ek diya rakkha hai diwaron ke bich

    main akeli aankh tha kya dekhta

    aaina-KHane the nazzaron ke bich

    hai yaqin mujh ko ki sayyare pe hun

    aadmi rahte hain sayyaron ke bich

    kha gaya insan ko aashob-e-maash

    aa gae hain shahr bazaron ke bich

    main faqir ibn-e-faqir ibn-e-faqir

    aur askandar hun sardaron ke bich

    apni virani ke gauhar rolta

    raqs mein hun aur bazaron ke bich

    koi us kafir ko us lamhe sune

    guftugu karta hai jab yaron ke bich

    ahl-e-dil ke darmiyan the 'mir' tum

    ab suKHan hai shoabada-karon ke bich

    aankh wale ko nazar aae 'alim'

    ek mohammad-mustafa saron ke bich

    Source :
    • Book : Veeran sarai ka diya (Pg. 43)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY