ek naya waqia ishq mein kya ho gaya

ek nayā vāqi.a ishq meñ kyā ho gayā

dil meñ kahīñ phir koī zaḳhm harā ho gayā

bazm-e-tarab bhī sajī mahfil-e-ġham bhī sajī

kaun milā thā mujhe kaun judā ho gayā

apnī ḳhushī se mujhe terī ḳhushī thī aziiz

tū bhī magar jaane kyuuñ mujh se ḳhafā ho gayā

maiñ to nahīñ māñgtā is ke sivā kuchh sila

terī nazar ho ga.ī merā bhalā ho gayā

baḌhne lagī ḳhāmushī Darne lagī zindagī

dil hī merā daf.atan naġhma-sarā ho gayā

ek naya waqia ishq mein kya ho gaya

dil mein kahin phir koi zaKHm hara ho gaya

bazm-e-tarab bhi saji mahfil-e-gham bhi saji

kaun mila tha mujhe kaun juda ho gaya

apni KHushi se mujhe teri KHushi thi aziz

tu bhi magar jaane kyun mujh se KHafa ho gaya

main to nahin mangta is ke siwa kuchh sila

teri nazar ho gai mera bhala ho gaya

baDhne lagi KHamushi Darne lagi zindagi

dil hi mera dafatan naghma-sara ho gaya