ek surat nazar aai thi abhi
ek sūrat nazar aa.ī thī abhī
dil ne tasvīr banā.ī thī abhī
kaun ho saktā hai aane vaalā
ek āvāz sī aa.ī thī abhī
ek sūrat thī ki dil hī dil meñ
ek sūrat se milā.ī thī abhī
sab kī āñkhoñ meñ nazar aane lagī
dil meñ sūrat jo chhupā.ī thī abhī
baat kahte hī zarā kho se ga.e
baat mushkil se banā.ī thī abhī
phir vafādār nazar aane lagā
bevafā jis se laḌā.ī thī abhī
saath apne vo ḳhudā thā shāyad
saath apne jo ḳhudā.ī thī abhī
ek surat nazar aai thi abhi
dil ne taswir banai thi abhi
kaun ho sakta hai aane wala
ek aawaz si aai thi abhi
ek surat thi ki dil hi dil mein
ek surat se milai thi abhi
sab ki aankhon mein nazar aane lagi
dil mein surat jo chhupai thi abhi
baat kahte hi zara kho se gae
baat mushkil se banai thi abhi
phir wafadar nazar aane laga
bewafa jis se laDai thi abhi
sath apne wo KHuda tha shayad
sath apne jo KHudai thi abhi
- Book : Meri Gazal (Pg. 75)
- Author : karar Noori
- Publication : Rooh-e-Asar (Ishaat Ghar) (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
