ek taswir ki awwal nahin dekhi jati
ek tasvīr ki avval nahīñ dekhī jaatī
dekh bhī luuñ to musalsal nahīñ dekhī jaatī
dekhī jaatī hai mohabbat meñ har ik jumbish-e-dil
sirf sāñsoñ kī rehearsal nahīñ dekhī jaatī
ik to vaise baḌī tārīk hai ḳhvāhish-nagrī
phir tavīl itnī ki paidal nahīñ dekhī jaatī
aisā kuchh hai bhī nahīñ jis se tujhe bahlāūñ
ye udāsī bhī musalsal nahīñ dekhī jaatī
sāmne ik vahī sūrat nahīñ rahtī aksar
jo kabhī aañkh se ojhal nahīñ dekhī jaatī
maiñ ne ik umr se baTve meñ sambhālī huī hai
vahī tasvīr jo ik pal nahīñ dekhī jaatī
ab mirā dhyān kahīñ aur chalā jaatā hai
ab koī film mukammal nahīñ dekhī jaatī
ik maqām aisā bhī aatā hai safar meñ 'javvād'
sāmne ho bhī to daldal nahīñ dekhī jaatī
ek taswir ki awwal nahin dekhi jati
dekh bhi lun to musalsal nahin dekhi jati
dekhi jati hai mohabbat mein har ek jumbish-e-dil
sirf sanson ki rehearsal nahin dekhi jati
ek to waise baDi tarik hai KHwahish-nagri
phir tawil itni ki paidal nahin dekhi jati
aisa kuchh hai bhi nahin jis se tujhe bahlaun
ye udasi bhi musalsal nahin dekhi jati
samne ek wahi surat nahin rahti aksar
jo kabhi aankh se ojhal nahin dekhi jati
main ne ek umr se baTwe mein sambhaali hui hai
wahi taswir jo ek pal nahin dekhi jati
ab mera dhyan kahin aur chala jata hai
ab koi film mukammal nahin dekhi jati
ek maqam aisa bhi aata hai safar mein 'jawwad'
samne ho bhi to daldal nahin dekhi jati
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
