ek to kawish-e-jigar bhi karun
ek to kāvish-e-jigar bhī karūñ
aur phir minnat-e-samar bhī karūñ
ishq meñ ḳhair thā junūñ lāzim
ab koī dūsrā hunar bhī karūñ
sochtā huuñ tire ta.āqub meñ
ḳhud ko rusvā-e-bāl-o-par bhī karūñ
pahle bin-māñge zindagī de dī
aur phir shart hai basar bhī karūñ
sher likkhūñ bhī aur logoñ meñ
shā.erī apnī mushtahar bhī karūñ
lafz o ma.anī kā jabr jhelūñ bhī
aur phir ḳhud ko mo'tabar bhī karūñ
kaam kuchh be-sabab bhī kar Dālūñ
aur kuchh kaam soch kar bhī karūñ
ek to kawish-e-jigar bhi karun
aur phir minnat-e-samar bhi karun
ishq mein KHair tha junun lazim
ab koi dusra hunar bhi karun
sochta hun tere taaqub mein
KHud ko ruswa-e-baal-o-par bhi karun
pahle bin-mange zindagi de di
aur phir shart hai basar bhi karun
sher likkhun bhi aur logon mein
shaeri apni mushtahar bhi karun
lafz o mani ka jabr jhelun bhi
aur phir KHud ko mo'tabar bhi karun
kaam kuchh be-sabab bhi kar Dalun
aur kuchh kaam soch kar bhi karun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
