farz barson ki ibaadat ka ada ho jaise

farz barsoñ kī ibādat kā adā ho jaise

but ko yuuñ puuj rahe haiñ ki ḳhudā ho jaise

ek pur-pech ġhinā ek harīrī naġhma

haa.e vo husn ki jañgal kī sadā ho jaise

ishq yuuñ vādi-e-hijrāñ meñ huā mahv-e-ḳhirām

ḳhārzāroñ meñ koī ābla-pā ho jaise

ārizoñ par vo tire tābish-e-paimān-e-vafā

chāñdnī raat ke chehre pe hayā ho jaise

is tarah daaġh damakte haiñ dil-e-vahshī par

qais ke jism pe phūloñ kī abā ho jaise

kitnā dilkash hai tirī yaad kā paalā huā ashk

sīna-e-ḳhāk pe mahtāb girā ho jaise

ratjage vo bhī nashāt-e-ġham-e-mahbūb ke saath

husn vāloñ ne baḌā kaam kiyā ho jaise

hijr kī raat ajab rañg hai paimāne kā

dast mai-ḳhvār meñ bujhtā sā diyā ho jaise

ḳhāk-e-dil par tire sayyāl tasavvur kā ḳhirām

reg-e-sahrā pe ravāñ bād-e-sabā ho jaise

aaj us shoḳh kī chitvan kā ye aalam hai 'zahīr'

husn apnī hī adāoñ se ḳhafā ho jaise

farz barson ki ibaadat ka ada ho jaise

but ko yun puj rahe hain ki KHuda ho jaise

ek pur-pech ghina ek hariri naghma

hae wo husn ki jangal ki sada ho jaise

ishq yun wadi-e-hijran mein hua mahw-e-KHiram

KHarzaron mein koi aabla-pa ho jaise

aarizon par wo tere tabish-e-paiman-e-wafa

chandni raat ke chehre pe haya ho jaise

is tarah dagh damakte hain dil-e-wahshi par

qais ke jism pe phulon ki aba ho jaise

kitna dilkash hai teri yaad ka pala hua ashk

sina-e-KHak pe mahtab gira ho jaise

ratjage wo bhi nashat-e-gham-e-mahbub ke sath

husn walon ne baDa kaam kiya ho jaise

hijr ki raat ajab rang hai paimane ka

dast mai-KHwar mein bujhta sa diya ho jaise

KHak-e-dil par tere sayyal tasawwur ka KHiram

reg-e-sahra pe rawan baad-e-saba ho jaise

aaj us shoKH ki chitwan ka ye aalam hai 'zahir'

husn apni hi adaon se KHafa ho jaise