fasil-e-zat se bahar bhi dekhna hai mujhe
fasīl-e-zāt se bāhar bhī dekhnā hai mujhe
shikast-e-ḳhvāb kā manzar bhī dekhnā hai mujhe
abhī to maiñ ne faqat bārishoñ ko jhelā hai
ab is ke ba.ad samundar bhī dekhnā hai mujhe
banā rahā huuñ abhī ghar ko ā.ina-ḳhāna
phir apne haath meñ patthar bhī dekhnā hai mujhe
sipāh-e-kār-e-jahāñ se nimaT chukā huuñ magar
tumhārī yaad kā lashkar bhī dekhnā hai mujhe
abhī to ġham ko suḳhan karnā sahal hai 'ārif'
maqām-e-ijz-e-suḳhnavar bhī dekhnā hai mujhe
fasil-e-zat se bahar bhi dekhna hai mujhe
shikast-e-KHwab ka manzar bhi dekhna hai mujhe
abhi to main ne faqat barishon ko jhela hai
ab is ke baad samundar bhi dekhna hai mujhe
bana raha hun abhi ghar ko aaina-KHana
phir apne hath mein patthar bhi dekhna hai mujhe
sipah-e-kar-e-jahan se nimaT chuka hun magar
tumhaari yaad ka lashkar bhi dekhna hai mujhe
abhi to gham ko suKHan karna sahal hai 'arif'
maqam-e-ijz-e-suKHnawar bhi dekhna hai mujhe
Source:
Quarterly Urdu International (Pg. 124)
- Author: Ashfaq Hussain
-
- Edition: May, July 1983 Issue-2
- Publisher: 80, Richmond Street West, Suite 201, Toronto, Ontario Canada M5H 2A4
- Year of Publication: May, July 1983 Issue-2
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
