fauj-e-mizhgan ka kuchh irada hai

Muneer Shikohabadi

fauj-e-mizhgan ka kuchh irada hai

Muneer Shikohabadi

MORE BYMuneer Shikohabadi

    fauj-e-mizhgāñ kuchh irāda hai

    zulf-e-pechāñ ne laam bāñdhā hai

    lab-e-rañgīñ ko kis ne chūsā hai

    dekh lo ye aqiiq jhūTā hai

    kaun aayā chhaḌī savārī se

    ne savārī kis shohrā hai

    daañt khaTTe hue anāroñ ke

    un seb-e-zaqan ye mīThā hai

    bosa-e-lab diyā jo bigḌe ġhair

    phuuT meñ tum ne qand Daalā hai

    kāTte ho hamāre naam ke harf

    ḳhuub shosha hai zor-e-fiqarā hai

    vasf-e-qad ke do-chand haiñ mazmūñ

    koī misra.a nahīñ hai dohrā hai

    daañt kañghī he magar mujh par

    mār-e-gesū jo kaaTe khātā hai

    ḳhuub hai vasl-e-āshiq-o-ma.ashūq

    ye bhī joḌī ek nusḳha hai

    zaḳhm-e-dil par namak chhiḌakvāo

    zā.iqa mere muñh phīkā hai

    ġhair ke ghar bajā rahe ho sitār

    tum ne dar-parda ThaaT badlā hai

    koī taaza kuaañ jhakā.eñge

    in dinoñ iḳhtilāt gahrā hai

    chuTkī añgiyā meñ tum na Takvāo

    gore siine meñ niil paḌtā hai

    bosa hoñToñ mil gayā kis ko

    dil meñ kuchh aaj dard mīThā hai

    chain se haiñ faqīr ba.ad-e-fanā

    qabr ke bhī sirhāne takiya hai

    ai 'munīr' aap kyuuñ haiñ āzurda

    ye to kahiye mizāj kaisā hai

    fauj-e-mizhgan ka kuchh irada hai

    zulf-e-pechan ne lam bandha hai

    lab-e-rangin ko kis ne chusa hai

    dekh lo ye aqiq jhuTa hai

    kaun aaya chhaDi sawari se

    ne sawari ka kis ki shohra hai

    dant khaTTe hue anaron ke

    un ka seb-e-zaqan ye miTha hai

    bosa-e-lab diya jo bigDe ghair

    phuT mein tum ne qand Dala hai

    kaTte ho hamare nam ke harf

    KHub shosha hai zor-e-fiqara hai

    wasf-e-qad ke do-chand hain mazmun

    koi misra nahin hai dohra hai

    dant kanghi ka he magar mujh par

    mar-e-gesu jo kaTe khata hai

    KHub hai wasl-e-ashiq-o-mashuq

    ye bhi joDi ka ek nusKHa hai

    zaKHm-e-dil par namak chhiDakwao

    zaiqa mere munh ka phika hai

    ghair ke ghar baja rahe ho sitar

    tum ne dar-parda ThaT badla hai

    koi taza kuan jhakaenge

    in dinon iKHtilat gahra hai

    chuTki angiya mein tum na Takwao

    gore sine mein nil paDta hai

    bosa honTon ka mil gaya kis ko

    dil mein kuchh aaj dard miTha hai

    chain se hain faqir baad-e-fana

    qabr ke bhi sirhane takiya hai

    ai 'munir' aap kyun hain aazurda

    ye to kahiye mizaj kaisa hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY