fida kar jaan agar jaani yahi hai

fidā kar jaan agar jaanī yahī hai

are dil vaqt-e-be-jānī yahī hai

yahī qabr-e-zuleḳhā siiñ hai āvāz

agar hai yūsuf-e-sānī yahī hai

nahīñ bujhtī hai pyaas aañsū siiñ lekin

kareñ kyā ab to yaañ paanī yahī hai

kisī āshiq ke marne kā nahīñ taras

magar yaañ kī musalmānī yahī hai

birah kā jaan kandan hai nipaT saḳht

shitāb aa mushkil āsānī yahī hai

piro tār-e-palak meñ dāna-e-ashk

ki tasbīh-e-sulaimānī yahī hai

mujhe zālim ne giryāñ dekh bolā

ki is aalam meñ tūfānī yahī hai

zamīñ par yaar kā naqsh-e-kaf-e-pā

hamārā ḳhatt-e-peshānī yahī hai

vo zulf-e-pur-shikan lagtī nahīñ haat

mujhe saarī pareshānī yahī hai

na phirnā jaan denā us galī meñ

dil-e-be-jān kī baanī yahī hai

kiyā raushan charāġh-e-dil kuuñ mere

'sirāj' ab fazl-e-rahmānī yahī hai

fida kar jaan agar jaani yahi hai

are dil waqt-e-be-jaani yahi hai

yahi qabr-e-zuleKHa sin hai aawaz

agar hai yusuf-e-sani yahi hai

nahin bujhti hai pyas aansu sin lekin

karen kya ab to yan pani yahi hai

kisi aashiq ke marne ka nahin taras

magar yan ki musalmani yahi hai

birah ka jaan kandan hai nipaT saKHt

shitab aa mushkil aasani yahi hai

piro tar-e-palak mein dana-e-ashk

ki tasbih-e-sulaimani yahi hai

mujhe zalim ne giryan dekh bola

ki is aalam mein tufani yahi hai

zamin par yar ka naqsh-e-kaf-e-pa

hamara KHatt-e-peshani yahi hai

wo zulf-e-pur-shikan lagti nahin hat

mujhe sari pareshani yahi hai

na phirna jaan dena us gali mein

dil-e-be-jaan ki bani yahi hai

kiya raushan charagh-e-dil kun mere

'siraj' ab fazl-e-rahmani yahi hai