fikr-e-nau zauq-e-tapan se aai hai

fikr-e-nau zauq-e-tapāñ se aa.ī hai

gard thoḌī kārvāñ se aa.ī hai

zindagī parchhā.iyāñ apnī liye

ā.inoñ ke darmiyāñ se aa.ī hai

siikh kar jaadū vo chashm-e-mai-farosh

mahfil-e-jādūgarāñ se aa.ī hai

raat ke afsūñ jagāte hī rahe

niiñd apnī dāstāñ se aa.ī hai

ho liye ham zindagī ke saath saath

ye nahīñ pūchhā kahāñ se aa.ī hai

dāġh-hā-e-sīna meñ ye tāzgī

iltifāt-e-nāgahāñ se aa.ī hai

kyā ḳhabar tujh ko asīr-e-nau-e-bahār

kitnī ra.anā.ī ḳhizāñ se aa.ī hai

inqalāb-e-nau meñ ye quvvat 'nushūr'

mere dast-e-nā-tavāñ se aa.ī hai

fikr-e-nau zauq-e-tapan se aai hai

gard thoDi karwan se aai hai

zindagi parchhaiyan apni liye

aainon ke darmiyan se aai hai

sikh kar jadu wo chashm-e-mai-farosh

mahfil-e-jadugaran se aai hai

raat ke afsun jagate hi rahe

nind apni dastan se aai hai

ho liye hum zindagi ke sath sath

ye nahin puchha kahan se aai hai

dagh-ha-e-sina mein ye tazgi

iltifat-e-nagahan se aai hai

kya KHabar tujh ko asir-e-nau-e-bahaar

kitni ranai KHizan se aai hai

inqalab-e-nau mein ye quwwat 'nushur'

mere dast-e-na-tawan se aai hai