gae dinon ki raqabat ko wo bhula na sake
ga.e dinoñ kī raqābat ko vo bhulā na sake
sharīk-e-bazm the lekin nazar milā na sake
azāb-e-hijr ke lamhāt ham bhulā na sake
dayār-e-ġhair meñ ik pal sukūn pā na sake
bahut ba.iid na thā mas.aloñ kā hal honā
anā ke paañv se zanjīr ham haTā na sake
ta.alluqāt meñ had-darja ehtiyāt rahī
qarīb aa na sake vo mujhe bhulā na sake
fareb khā ga.e tab jā ke inkishāf huā
qarīb rah ke bhī ham un ko aazmā na sake
gae dinon ki raqabat ko wo bhula na sake
sharik-e-bazm the lekin nazar mila na sake
azab-e-hijr ke lamhat hum bhula na sake
dayar-e-ghair mein ek pal sukun pa na sake
bahut baid na tha masalon ka hal hona
ana ke panw se zanjir hum haTa na sake
talluqat mein had-darja ehtiyat rahi
qarib aa na sake wo mujhe bhula na sake
fareb kha gae tab ja ke inkishaf hua
qarib rah ke bhi hum un ko aazma na sake
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
