gham-e-ishq rah gaya hai gham-e-justuju mein Dhal kar

Shakeel Badayuni

gham-e-ishq rah gaya hai gham-e-justuju mein Dhal kar

Shakeel Badayuni

MORE BYShakeel Badayuni

    ġham-e-ishq rah gayā hai ġham-e-justujū meñ Dhal kar

    vo nazar se chhup ga.e haiñ mirī zindagī badal kar

    tirī guftugū ko nāseh dil-e-ġham-zadā se jal kar

    abhī tak to sun rahā thā magar ab sambhal sambhal kar

    na milā surāġh-e-manzil kabhī umr bhar kisī ko

    nazar aa ga.ī hai manzil kabhī do qadam chal kar

    ġham-e-umr-e-muḳhtasar se abhī be-ḳhabar haiñ kaliyāñ

    na chaman meñ pheñk denā kisī phuul ko masal kar

    haiñ kisī ke muntazir ham magar ai umīd-e-mub.ham

    kahīñ vaqt rah na jaa.e yūñhī karvaTeñ badal kar

    mire dil ko raas aayā na jumūd-o-ġhair-fānī

    milī rāh-e-zindagānī mujhe ḳhaar se nikal kar

    mirī tez-gāmiyoñ se nahīñ barq ko bhī nisbat

    kahīñ kho na jaa.e duniyā mire saath saath chal kar

    kabhī yak-ba-yak tavajjoh kabhī daf.atan taġhāful

    mujhe aazmā rahā hai koī ruḳh badal badal kar

    haiñ 'shakīl' zindagī meñ ye jo vus.ateñ numāyāñ

    inhīñ vus.atoñ se paidā koī ālam-e-ġhazal kar

    gham-e-ishq rah gaya hai gham-e-justuju mein Dhal kar

    wo nazar se chhup gae hain meri zindagi badal kar

    teri guftugu ko naseh dil-e-gham-zada se jal kar

    abhi tak to sun raha tha magar ab sambhal sambhal kar

    na mila suragh-e-manzil kabhi umr bhar kisi ko

    nazar aa gai hai manzil kabhi do qadam hi chal kar

    gham-e-umr-e-muKHtasar se abhi be-KHabar hain kaliyan

    na chaman mein phenk dena kisi phul ko masal kar

    hain kisi ke muntazir hum magar ai umid-e-mubham

    kahin waqt rah na jae yunhi karwaTen badal kar

    mere dil ko ras aaya na jumud-o-ghair-fani

    mili rah-e-zindagani mujhe KHar se nikal kar

    meri tez-gamiyon se nahin barq ko bhi nisbat

    kahin kho na jae duniya mere sath sath chal kar

    kabhi yak-ba-yak tawajjoh kabhi dafatan taghaful

    mujhe aazma raha hai koi ruKH badal badal kar

    hain 'shakil' zindagi mein ye jo wusaten numayan

    inhin wusaton se paida koi aalam-e-ghazal kar

    RECITATIONS

    Nomaan Shauque

    Nomaan Shauque

    Nomaan Shauque

    gham-e-ishq rah gaya hai gham-e-justuju mein Dhal kar Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY