hai jo tasir si fughan mein abhi

hai jo tāsīr sī fuġhāñ meñ abhī

log baaqī haiñ kuchh jahāñ meñ abhī

dil se uThtā hai sub.h-o-shām dhuāñ

koī rahtā hai is makāñ meñ abhī

saath hai ek umr kā lekin

kashmakash sī hai jism-o-jāñ meñ abhī

mar na rahiye to aur kyā kiije

jaan hai jism-e-nā-tavāñ meñ abhī

aur kuchh din ḳharāb ho liije

suud apnā hai is ziyāñ meñ abhī

vo manāzir mirī nigāh meñ haiñ

jo nahīñ vahm meñ gumāñ meñ abhī

nahīñ fāriġh zamīn se 'anjum'

kaam baaqī hai āsmāñ meñ abhī

hai jo tasir si fughan mein abhi

log baqi hain kuchh jahan mein abhi

dil se uThta hai subh-o-sham dhuan

koi rahta hai is makan mein abhi

sath hai ek umr ka lekin

kashmakash si hai jism-o-jaan mein abhi

mar na rahiye to aur kya kije

jaan hai jism-e-na-tawan mein abhi

aur kuchh din KHarab ho lije

sud apna hai is ziyan mein abhi

wo manazir meri nigah mein hain

jo nahin wahm mein guman mein abhi

nahin farigh zamin se 'anjum'

kaam baqi hai aasman mein abhi