hum jun chakor ghash hain aji ek yar par

ham juuñ chakor ġhash haiñ ajī ek yaar par

bulbul kī tarah jī nahīñ dete hazār par

gar jī meñ kuchh nahīñ hai to dekhe hai kyuuñ mujhe

uñglī ko pher pher ke teġhe kī dhaar par

pā-bos-e-yār kī hameñ hasrat hai ai nasīm

āhista ā.īyo tū hamāre mazār par

ruḳhsār par numūd huā ḳhat ḳhabar bhī hai

ya.anī kamar kasī hai ḳhizāñ ne bahār par

'rañgīñ' to le ke baiThe haiñ asbāb-e-aish sab

aave ba-shart-e-yār bhī apne qarār par

hum jun chakor ghash hain aji ek yar par

bulbul ki tarah ji nahin dete hazar par

gar ji mein kuchh nahin hai to dekhe hai kyun mujhe

ungli ko pher pher ke teghe ki dhaar par

pa-bos-e-yar ki hamein hasrat hai ai nasim

aahista aaiyo tu hamare mazar par

ruKHsar par numud hua KHat KHabar bhi hai

yani kamar kasi hai KHizan ne bahaar par

'rangin' to le ke baiThe hain asbab-e-aish sab

aawe ba-shart-e-yar bhi apne qarar par