hum kahan aur tum kahan jaanan
ham kahāñ aur tum kahāñ jānāñ
haiñ ka.ī hijr darmiyāñ jānāñ
rā.egāñ vasl meñ bhī vaqt huā
par huā ḳhuub rā.egāñ jānāñ
mere andar hī to kahīñ gum hai
kis se pūchhūñ tirā nishāñ jānāñ
ālam-e-be-karān-e-rañg hai tū
tujh meñ Thahrūñ kahāñ kahāñ jānāñ
maiñ havāoñ se kaise pesh aa.uuñ
yahī mausam hai kyā vahāñ jānāñ
raushnī bhar ga.ī nigāhoñ meñ
ho ga.e ḳhvāb be-amāñ jānāñ
dard-mandān-e-kū-e-dildārī
ga.e ġhārat jahāñ tahāñ jānāñ
ab bhī jhīloñ meñ aks paḌte haiñ
ab bhī niilā hai āsmāñ jānāñ
hai jo pur-ḳhūñ tumhārā aks-e-ḳhayāl
zaḳhm aa.e kahāñ kahāñ jānāñ
hum kahan aur tum kahan jaanan
hain kai hijr darmiyan jaanan
raegan wasl mein bhi waqt hua
par hua KHub raegan jaanan
mere andar hi to kahin gum hai
kis se puchhun tera nishan jaanan
aalam-e-be-karan-e-rang hai tu
tujh mein Thahrun kahan kahan jaanan
main hawaon se kaise pesh aaun
yahi mausam hai kya wahan jaanan
raushni bhar gai nigahon mein
ho gae KHwab be-aman jaanan
dard-mandan-e-ku-e-dildari
gae ghaarat jahan tahan jaanan
ab bhi jhilon mein aks paDte hain
ab bhi nila hai aasman jaanan
hai jo pur-KHun tumhaara aks-e-KHayal
zaKHm aae kahan kahan jaanan
- Shayad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
