hum yar ki ghairon pe nazar dekh rahe hain

ham yaar kī ġhairoñ pe nazar dekh rahe haiñ

go muñh pe na lā.eñge magar dekh rahe haiñ

muñh merī taraf hai to nazar ġhair kī jānib

karte haiñ kidhar baat kidhar dekh rahe haiñ

kai roz raqīboñ se nibhī rasm-e-mohabbat

ham bhī yahī ai rashk-e-qamar dekh rahe haiñ

qāsid se jo bīmār bahut mujh ko sunā thā

aḳhbār meñ marne kī ḳhabar dekh rahe haiñ

pursāñ nahīñ koī bhī 'nasīm' ahl-e-hunar kā

duniyā kī havā shaam o sahar dekh rahe haiñ

hum yar ki ghairon pe nazar dekh rahe hain

go munh pe na laenge magar dekh rahe hain

munh meri taraf hai to nazar ghair ki jaanib

karte hain kidhar baat kidhar dekh rahe hain

kai roz raqibon se nibhi rasm-e-mohabbat

hum bhi yahi ai rashk-e-qamar dekh rahe hain

qasid se jo bimar bahut mujh ko suna tha

aKHbar mein marne ki KHabar dekh rahe hain

pursan nahin koi bhi 'nasim' ahl-e-hunar ka

duniya ki hawa sham o sahar dekh rahe hain