hamari aankh mein Thahra hua samundar tha

hamārī aañkh meñ Thahrā huā samundar thā

magar vo kyā thā jo sahrā-e-dil ke andar thā

usī ko zulf meñ Tāñke ye aarzū kyūñ-kar

vo phuul jo ki tirī dastaras se bāhar thā

vo vaqt aa.egā jab ḳhud tumhī ye sochogī

milā na hotā agar tujh se maiñ to behtar thā

har ek añg labālab bharā ho jaise jaam

tumhārā jism thā yā mai-kade kā manzar thā

use bhī jaate hue tum ne mujh se chhīn liyā

tumhārā ġham to mirī aarzū kā zevar thā

bahut qarīb se dekhā thā us ko ai 'āzād'

vo aarzū kā mirī ik hasīn paikar thā

hamari aankh mein Thahra hua samundar tha

magar wo kya tha jo sahra-e-dil ke andar tha

usi ko zulf mein Tanke ye aarzu kyun-kar

wo phul jo ki teri dastaras se bahar tha

wo waqt aaega jab KHud tumhi ye sochogi

mila na hota agar tujh se main to behtar tha

har ek ang labaalab bhara ho jaise jam

tumhaara jism tha ya mai-kade ka manzar tha

use bhi jate hue tum ne mujh se chhin liya

tumhaara gham to meri aarzu ka zewar tha

bahut qarib se dekha tha us ko ai 'azad'

wo aarzu ka meri ek hasin paikar tha