hanste hue man-bap ki gali nahin khate
hañste hue māñ-bāp kī gaalī nahīñ khāte
bachche haiñ to kyuuñ shauq se miTTī nahīñ khāte
tum se nahīñ milne kā irāda to hai lekin
tum se na mileñge ye qasam bhī nahīñ khāte
so jaate haiñ fōtpath pe aḳhbār bichhā kar
mazdūr kabhī niiñd kī golī nahīñ khāte
bachche bhī ġharībī ko samajhne lage shāyad
ab jaag bhī jaate haiñ to saharī nahīñ khāte
dāvat to baḌī chiiz hai ham jaise qalandar
har ek ke paisoñ kī davā bhī nahīñ khāte
allāh ġharīboñ kā madad-gār hai 'rānā'
ham logoñ ke bachche kabhī sardī nahīñ khāte
hanste hue man-bap ki gali nahin khate
bachche hain to kyun shauq se miTTi nahin khate
tum se nahin milne ka irada to hai lekin
tum se na milenge ye qasam bhi nahin khate
so jate hain footpath pe aKHbar bichha kar
mazdur kabhi nind ki goli nahin khate
bachche bhi gharibi ko samajhne lage shayad
ab jag bhi jate hain to sahari nahin khate
dawat to baDi chiz hai hum jaise qalandar
har ek ke paison ki dawa bhi nahin khate
allah gharibon ka madad-gar hai 'rana'
hum logon ke bachche kabhi sardi nahin khate
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
