har kaDe waqt pe aaina dikhaya hai mujhe

har kaḌe vaqt pe ā.īna dikhāyā hai mujhe

zindagī tū ne baḌe pyaar se bartā hai mujhe

baḌh ke chūme haiñ ġham-e-ishq ne bhī mere qadam

ġham-e-daurāñ ne bhī āñkhoñ pe biThāyā hai mujhe

rāh-e-pur-pech pe hai zulf-e-rasā kā dhokā

dasht-e-āġhosh-e-tamannā nazar aayā hai mujhe

apne ġham-ḳhvār ke ashkoñ ko takā kartā huuñ

gardish-e-vaqt ne palkoñ pe sajāyā hai mujhe

ab kisī dard kā shikva na kisī ġham kā gilā

merī hastī ne baḌī der meñ paayā hai mujhe

maiñ ġham-e-dahr kī chādar meñ chhupā baiThā thā

raat bhar aa ke tirī yaad ne DhūñDā hai mujhe

har kaDe waqt pe aaina dikhaya hai mujhe

zindagi tu ne baDe pyar se barta hai mujhe

baDh ke chume hain gham-e-ishq ne bhi mere qadam

gham-e-dauran ne bhi aankhon pe biThaya hai mujhe

rah-e-pur-pech pe hai zulf-e-rasa ka dhoka

dasht-e-aghosh-e-tamanna nazar aaya hai mujhe

apne gham-KHwar ke ashkon ko taka karta hun

gardish-e-waqt ne palkon pe sajaya hai mujhe

ab kisi dard ka shikwa na kisi gham ka gila

meri hasti ne baDi der mein paya hai mujhe

main gham-e-dahr ki chadar mein chhupa baiTha tha

raat bhar aa ke teri yaad ne DhunDa hai mujhe