har shai lamhe ki mehman hai kya gul kya KHushbu
har shai lamhe kī mehmāñ hai kyā gul kyā ḳhushbū
kyā mai kyā nasha-e-ā.īna kyā ā.īna-rū
mornī kī ye ḳhvāhish vajd meñ aa kar nāche mor
pyaas bujhāne ko de de bas do qatre aañsū
kyā thā vo lamhoñ kī rifāqat ho ga.ī ḳhvāb-o-ḳhayāl
tujh bin saarī umr rahā ḳhālī merā pahlū
zehnī rishte qalbī naate sab aġhrāz-pasand
sab lamhoñ ke jādūgar haiñ kyā maiñ aur kyā tū
'ārif' kyā tadbīr ho us ko kaise raam karūñ
maiñ ik ḳhālī haath shikārī vo ik tez aahū
har shai lamhe ki mehman hai kya gul kya KHushbu
kya mai kya nasha-e-aina kya aaina-ru
morni ki ye KHwahish wajd mein aa kar nache mor
pyas bujhane ko de de bas do qatre aansu
kya tha wo lamhon ki rifaqat ho gai KHwab-o-KHayal
tujh bin sari umr raha KHali mera pahlu
zehni rishte qalbi nate sab aghraaz-pasand
sab lamhon ke jadugar hain kya main aur kya tu
'arif' kya tadbir ho us ko kaise ram karun
main ek KHali hath shikari wo ek tez aahu
- Book : Khayaabaan (Pg. 112)
- Author : Hassan Abbas Raza
- Publication : Bazm-e-Khayaabaan-e-adab, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
