hue hain band dishaon ke sare raste aa
hue haiñ band dishāoñ ke saare raste aa
añdherā chhāne lagā lauT kar parinde aa
maiñ terī saarī tamāzat ko jazb kar lūñgā
tū āftāb kabhī mere dil meñ bujhne aa
kabhī dikhā de vo manzar jo maiñ ne dekhe nahīñ
kabhī to niiñd meñ ai ḳhvāb ke farishte aa
yahāñ to kab se añdheroñ meñ ġharq hai duniyā
idhar jo aa to sitāroñ kī shaal oḌhe aa
na chupke chupke sulag jī ko apne halkā kar
tujhe ye kaun sā dukh hai kabhī batāne aa
baḌā sukūn milegā tujhe yahāñ aa kar
jo ho sake to kabhī mere dil meñ rahne aa
dahaktā sho.ala sā maiñ ek dasht huuñ 'pāshī'
agar ghaTā hai tū sāvan kī to barasne aa
hue hain band dishaon ke sare raste aa
andhera chhane laga lauT kar parinde aa
main teri sari tamazat ko jazb kar lunga
tu aaftab kabhi mere dil mein bujhne aa
kabhi dikha de wo manzar jo main ne dekhe nahin
kabhi to nind mein ai KHwab ke farishte aa
yahan to kab se andheron mein gharq hai duniya
idhar jo aa to sitaron ki shaal oDhe aa
na chupke chupke sulag ji ko apne halka kar
tujhe ye kaun sa dukh hai kabhi batane aa
baDa sukun milega tujhe yahan aa kar
jo ho sake to kabhi mere dil mein rahne aa
dahakta shoala sa main ek dasht hun 'pashi'
agar ghaTa hai tu sawan ki to barasne aa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
