hui ghazal hi na kuchh baat ban saki humse

huī ġhazal hī na kuchh baat ban sakī ham se

ye sarguzisht-e-junūñ kab bayāñ huī ham se

saḌak pe baiTh ga.e dekhte hue duniyā

aur aise tark huī ek ḳhud-kushī ham se

ham aa ga.e the ghane bargadoñ ke saa.e meñ

sau baat karne chalī aa.ī raushnī ham se

vo ḳhvāb kyā thā ki jo bhūlne lagā dam-e-sub.h

vo raat kaisī thī jo rūThne lagī ham se

bujhā ke apne alaav paḌā hameñ chhupnā

to yuuñ kahānī farāmosh ho ga.ī ham se

ham aaj phir baḌī tāb-o-tavāñ se julte haiñ

phir aaj sahm to jā.egī tīrgī ham se

ham aaj bhī usī darvāze kī bane the darz

vo be-niyāz usī tarah phir milī ham se

hui ghazal hi na kuchh baat ban saki hum se

ye sarguzisht-e-junun kab bayan hui hum se

saDak pe baiTh gae dekhte hue duniya

aur aise tark hui ek KHud-kushi hum se

hum aa gae the ghane bargadon ke sae mein

sau baat karne chali aai raushni hum se

wo KHwab kya tha ki jo bhulne laga dam-e-subh

wo raat kaisi thi jo ruThne lagi hum se

bujha ke apne alaw paDa hamein chhupna

to yun kahani faramosh ho gai hum se

hum aaj phir baDi tab-o-tawan se julte hain

phir aaj sahm to jaegi tirgi hum se

hum aaj bhi usi darwaze ki bane the darz

wo be-niyaz usi tarah phir mili hum se