ek barg-e-KHushk se gul-e-taza tak aa gae

ik barg-e-ḳhushk se gul-e-tāza tak aa ga.e

ham shahr-e-dil se jism ke sahrā tak aa ga.e

us shaam Dūbne kī tamannā nahīñ rahī

jis shaam tere husn ke dariyā tak aa ga.e

kuchh log ibtidā-e-rifāqat se qabl hī

ā.inda ke har ek guzishta tak aa ga.e

ye kyā ki tum se rāz-e-mohabbat nahīñ chhupā

ye kyā ki tum bhī shauq-e-tamāshā tak aa ga.e

bezāri-e-kamāl se itnā huā ki ham

ārām se zavāl-e-tamannā tak aa ga.e

ek barg-e-KHushk se gul-e-taza tak aa gae

hum shahr-e-dil se jism ke sahra tak aa gae

us sham Dubne ki tamanna nahin rahi

jis sham tere husn ke dariya tak aa gae

kuchh log ibtida-e-rifaqat se qabl hi

aainda ke har ek guzishta tak aa gae

ye kya ki tum se raaz-e-mohabbat nahin chhupa

ye kya ki tum bhi shauq-e-tamasha tak aa gae

bezari-e-kamal se itna hua ki hum

aaram se zawal-e-tamanna tak aa gae