ek ghazal us pe likhun dil ka taqaza hai bahut
ik ġhazal us pe likhūñ dil kā taqāzā hai bahut
in dinoñ ḳhud se bichhaḌ jaane kā dhaḌkā hai bahut
raat ho din ho ki ġhaflat ho ki bedārī ho
us ko dekhā to nahīñ hai use sochā hai bahut
tishnagī ke bhī maqāmāt haiñ kyā kyā yaanī
kabhī dariyā nahīñ kaafī kabhī qatra hai bahut
mire hāthoñ kī lakīroñ ke izāfe haiñ gavāh
maiñ ne patthar kī tarah ḳhud ko tarāshā hai bahut
koī aayā hai zarūr aur yahāñ Thahrā bhī hai
ghar kī dahlīz pe ai 'nūr' ujālā hai bahut
ek ghazal us pe likhun dil ka taqaza hai bahut
in dinon KHud se bichhaD jaane ka dhaDka hai bahut
raat ho din ho ki ghaflat ho ki bedari ho
us ko dekha to nahin hai use socha hai bahut
tishnagi ke bhi maqamat hain kya kya yani
kabhi dariya nahin kafi kabhi qatra hai bahut
mere hathon ki lakiron ke izafe hain gawah
main ne patthar ki tarah KHud ko tarasha hai bahut
koi aaya hai zarur aur yahan Thahra bhi hai
ghar ki dahliz pe ai 'nur' ujala hai bahut
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
