aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek harf-e-shauq lab pe hai aur iltija ke sath

Sarshar Siddiqui

ek harf-e-shauq lab pe hai aur iltija ke sath

Sarshar Siddiqui

MORE BYSarshar Siddiqui

    ik harf-e-shauq lab pe hai aur iltijā ke saath

    maiñ ik na.e safar pe huuñ apnī anā ke saath

    maiñ ne ibādatoñ ko mohabbat banā diyā

    āñkheñ butoñ ke saath rahīñ dil ḳhudā ke saath

    kis qaht-e-etibār se guzre haiñ ahl-e-dil

    rañg-e-vafā bhī uḌ gayā rañg-e-hinā ke saath

    merā vajūd harf-e-taqāzā banā huā

    mohr-e-qubūl us ke laboñ par hayā ke saath

    gul-chehra logoñ se thā mirā bhī muāmla

    āvāra maiñ bhī ho gayā mauj-e-sabā ke saath

    nā-mustajāb itnī duā.eñ huiiñ ki phir

    merā yaqīñ bhī uTh gayā rasm-e-duā ke saath

    ghar yaad aa rahā thā chale aa.e haiñ magar

    ham apne sar pe laa.e haiñ sahrā uThā ke saath

    ābādiyoñ ḳhair manāne vaqt hai

    jañgal aag phail rahī hai havā ke saath

    ek harf-e-shauq lab pe hai aur iltija ke sath

    main ek nae safar pe hun apni ana ke sath

    main ne ibaadaton ko mohabbat bana diya

    aankhen buton ke sath rahin dil KHuda ke sath

    kis qaht-e-etibar se guzre hain ahl-e-dil

    rang-e-wafa bhi uD gaya rang-e-hina ke sath

    mera wajud harf-e-taqaza bana hua

    mohr-e-qubul us ke labon par haya ke sath

    gul-chehra logon se tha mera bhi muamla

    aawara main bhi ho gaya mauj-e-saba ke sath

    na-mustajab itni duaen huin ki phir

    mera yaqin bhi uTh gaya rasm-e-dua ke sath

    ghar yaad aa raha tha chale aae hain magar

    hum apne sar pe lae hain sahra uTha ke sath

    aabaadiyon ki KHair manane ka waqt hai

    jangal ki aag phail rahi hai hawa ke sath

    Source:

    Monthly Usloob (Pg. 374)

    • Author: Mushfiq Khawaja
      • Edition: Oct. õ Nov. 1983,Issue No. 5-6
      • Publisher: Usloob 3D 9—26 Nazimabad karachi   180007
      • Year of Publication: Oct. õ Nov. 1983,Issue No. 5-6
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now