ek nadi mein saikDon dariya ki tughyani mili

ik nadī meñ saikḌoñ dariyā kī tuġhyānī milī

Dūbne vaale ko mar jaane kī āsānī milī

hāshiya-bardār se pūchhā samundar ne miyāñ

aaj tak ik mauj bhī tum ko na dīvānī milī

sar-phirī pāgal havā ko roknā dushvār thā

ek hī din ke liye thī us ko sultānī milī

tishna-lab tālāb ne bādal ko phir dhokā diyā

phir vahī sahrā vahī sahrā kī vīrānī milī

har safar se kashtiyoñ kā lauTnā mumkin nahīñ

kyā pata kab lahr koī dushman-e-jānī milī

aage pīchhe sab ko maqtal se guzarnā hai 'zafar'

kyuuñ samajhte haiñ ki ham ko hī pareshānī milī

ek nadi mein saikDon dariya ki tughyani mili

Dubne wale ko mar jaane ki aasani mili

hashiya-bardar se puchha samundar ne miyan

aaj tak ek mauj bhi tum ko na diwani mili

sar-phiri pagal hawa ko rokna dushwar tha

ek hi din ke liye thi us ko sultani mili

tishna-lab talab ne baadal ko phir dhoka diya

phir wahi sahra wahi sahra ki virani mili

har safar se kashtiyon ka lauTna mumkin nahin

kya pata kab lahr koi dushman-e-jaani mili

aage pichhe sab ko maqtal se guzarna hai 'zafar'

kyun samajhte hain ki hum ko hi pareshani mili