ek sabz rang bagh dikhaya gaya mujhe
ik sabz rañg baaġh dikhāyā gayā mujhe
phir ḳhushk rāstoñ pe chalāyā gayā mujhe
tai ho chuke the āḳhirī sāñsoñ ke marhale
jab muzhda-e-hayāt sunāyā gayā mujhe
pahle to chhīn lī mirī āñkhoñ kī raushnī
phir aa.ine ke sāmne laayā gayā mujhe
rakkhe the us ne saare switch apne haath meñ
be-vaqt hī jalāyā bujhāyā gayā mujhe
chāroñ taraf bichhī haiñ añdheroñ kī chādareñ
shāyad abhī fuzūl jagāyā gayā mujhe
nikle hue the DhūñDne ḳhūñ-ḳhvār jānvar
kāñToñ kī jhāḌiyoñ meñ chhupāyā gayā mujhe
ik lamha muskurāne kī qīmat na pūchhiye
be-iḳhtiyār pahle rulāyā gayā mujhe
ek sabz rang bagh dikhaya gaya mujhe
phir KHushk raston pe chalaya gaya mujhe
tai ho chuke the aaKHiri sanson ke marhale
jab muzhda-e-hayat sunaya gaya mujhe
pahle to chhin li meri aankhon ki raushni
phir aaine ke samne laya gaya mujhe
rakkhe the us ne sare switch apne hath mein
be-waqt hi jalaya bujhaya gaya mujhe
chaaron taraf bichhi hain andheron ki chadaren
shayad abhi fuzul jagaya gaya mujhe
nikle hue the DhunDne KHun-KHwar jaanwar
kanTon ki jhaDiyon mein chhupaya gaya mujhe
ek lamha muskurane ki qimat na puchhiye
be-iKHtiyar pahle rulaya gaya mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
