ek safar hota raha aur ruk gai main

ik safar hotā rahā aur ruk ga.ī maiñ

chal rahā thā rāsta aur ruk ga.ī maiñ

ishq thā donoñ ko fitrat muḳhtalif thī

vo bhaTaktā hī rahā aur ruk ga.ī maiñ

har dafa āvāz sun kar maiñ palaT dī

phir na jaane kyā huā aur ruk ga.ī maiñ

yaad ke lamhe meñ ik arsa bitāyā

vaqt āñkhoñ se bahā aur ruk ga.ī maiñ

lams kā kaisā asar sāñsoñ pe hogā

khel meñ us ne chhuā aur ruk ga.ī maiñ

is qadar āñkhoñ se us ko pī liyā thā

mujh meñ vo bahtā rahā aur ruk ga.ī maiñ

jā rahī thī chhoḌ kar kirdār apnā

naam aayā aap kā aur ruk ga.ī maiñ

ek safar hota raha aur ruk gai main

chal raha tha rasta aur ruk gai main

ishq tha donon ko fitrat muKHtalif thi

wo bhaTakta hi raha aur ruk gai main

har dafa aawaz sun kar main palaT di

phir na jaane kya hua aur ruk gai main

yaad ke lamhe mein ek arsa bitaya

waqt aankhon se baha aur ruk gai main

lams ka kaisa asar sanson pe hoga

khel mein us ne chhua aur ruk gai main

is qadar aankhon se us ko pi liya tha

mujh mein wo bahta raha aur ruk gai main

ja rahi thi chhoD kar kirdar apna

nam aaya aap ka aur ruk gai main