ek zarurat hai jo tahwil tak aa pahunchi hai

ik zarūrat hai jo tahvīl tak aa pahuñchī hai

har haqīqat yahāñ tamsīl tak aa pahuñchī hai

ab uḳhuvvat pe bharosa nahīñ kartī duniyā

āgahī niyyat-e-qābīl tak aa pahuñchī hai

ai mire mūnis o ġham-ḳhvār mujhe marne de

baat ab hukm kī ta.amīl tak aa pahuñchī hai

ab suḳhan-var hī nahīñ ḳhud ko musavvir likhiye

shā.erī ab fan-e-tashkīl tak aa pahuñchī hai

koshish-e-amn-o-amān meñ hī yahāñ logoñ kī

zindagī shorish-e-tāvīl tak aa pahuñchī hai

be-hisī dekhiye is daur ke insānoñ kī

jism kyā ruuh kī tahlīl tak aa pahuñchī hai

fikr-e-'misdāq' ne hai ḳhaas masāfat kar lī

aap kī aañkh bhī is jhiil tak aa pahuñchī hai

ek zarurat hai jo tahwil tak aa pahunchi hai

har haqiqat yahan tamsil tak aa pahunchi hai

ab uKHuwwat pe bharosa nahin karti duniya

aagahi niyyat-e-qabil tak aa pahunchi hai

ai mere munis o gham-KHwar mujhe marne de

baat ab hukm ki tamil tak aa pahunchi hai

ab suKHan-war hi nahin KHud ko musawwir likhiye

shaeri ab fan-e-tashkil tak aa pahunchi hai

koshish-e-amn-o-aman mein hi yahan logon ki

zindagi shorish-e-tawil tak aa pahunchi hai

be-hisi dekhiye is daur ke insanon ki

jism kya ruh ki tahlil tak aa pahunchi hai

fikr-e-'misdaq' ne hai KHas masafat kar li

aap ki aankh bhi is jhil tak aa pahunchi hai