in labon se ab hamare lafz ruKHsat chahte hain
in labon se ab hamare lafz ruKHsat chahte hain
Zulfeqar Ahmad Tabish
MORE BYZulfeqar Ahmad Tabish
in laboñ se ab hamāre lafz ruḳhsat chāhte haiñ
jāgtī āñkhoñ meñ ḳhvāboñ kī salāmat chāhte haiñ
naqsh kī sūrat likhī āvāz ko de do rihā.ī
be-takallum lafz bhī ab to ibārat chāhte haiñ
aisī yaḳh-basta ḳhamoshī meñ na phir zinda bacheñge
mere ThiThure hoñT lafzoñ kī harārat chāhte haiñ
mere hāthoñ par likhī tahrīr mujh se kah rahī thī
aane vaale vaqt lafzoñ kī shahādat chāhte haiñ
ye dar-o-dīvār par be-nām se chup-chāp saa.e
phūloñ rastoñ aur bachchoñ kī hifāzat chāhte haiñ
hijr ke mausam meñ yaad aatī hai ḳhushbū dostoñ kī
ham udāsī meñ bhī yāroñ kī rifāqat chāhte haiñ
in labon se ab hamare lafz ruKHsat chahte hain
jagti aankhon mein KHwabon ki salamat chahte hain
naqsh ki surat likhi aawaz ko de do rihai
be-takallum lafz bhi ab to ibarat chahte hain
aisi yaKH-basta KHamoshi mein na phir zinda bachenge
mere ThiThure honT lafzon ki hararat chahte hain
mere hathon par likhi tahrir mujh se kah rahi thi
aane wale waqt lafzon ki shahadat chahte hain
ye dar-o-diwar par be-nam se chup-chap sae
phulon raston aur bachchon ki hifazat chahte hain
hijr ke mausam mein yaad aati hai KHushbu doston ki
hum udasi mein bhi yaron ki rifaqat chahte hain
- Book : Monthly Usloob (Pg. 540)
- Author : Mushfiq Khawaja
- Publication : Usloob 3D 9—26 Nazimabad karachi 180007 (Oct. õ Nov. 1983,Issue No. 5-6)
- Edition : Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
