in shoKH hasinon ki nirali hai ada bhi
in shoKH hasinon ki nirali hai ada bhi
Kunwar Mahendra Singh Bedi Sahar
MORE BYKunwar Mahendra Singh Bedi Sahar
in shoḳh hasīnoñ kī nirālī hai adā bhī
but ho ke samajhte haiñ ki jaise haiñ ḳhudā bhī
ghabrā ke uThī hai mirī bālīñ se qazā bhī
jāñ-baḳhsh hai kitnī tire dāman kī havā bhī
yuuñ dekh rahe haiñ mirī jānib vo sar-e-bazm
jaise ki kisī baat pe ḳhush bhī haiñ ḳhafā bhī
māyūs-e-mohabbat hai to kar aur mohabbat
kahte haiñ jise ishq maraz bhī hai davā bhī
tujh par hī 'sahar' hai ki tū kis haal meñ kaaTe
jiinā to haqīqat meñ sazā bhī hai jazā bhī
in shoKH hasinon ki nirali hai ada bhi
but ho ke samajhte hain ki jaise hain KHuda bhi
ghabra ke uThi hai meri baalin se qaza bhi
jaan-baKHsh hai kitni tere daman ki hawa bhi
yun dekh rahe hain meri jaanib wo sar-e-bazm
jaise ki kisi baat pe KHush bhi hain KHafa bhi
mayus-e-mohabbat hai to kar aur mohabbat
kahte hain jise ishq maraz bhi hai dawa bhi
tujh par hi 'sahar' hai ki tu kis haal mein kaTe
jina to haqiqat mein saza bhi hai jaza bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
