iqbaal ka zaman hai jo hai zaman hamara

iqbāl kā zamāñ hai jo hai zamāñ hamārā

hindostāñ hamārā saarā jahāñ hamārā

taksīriyat kā hāmil jamhūriyat kā hāmil

azmat-nishāñ sarāsar hindostāñ hamārā

zar kī havas nahīñ kuchh shohrat meñ ras nahīñ kuchh

sar par rahe salāmat ik sā.ebāñ hamārā

rakkhe haiñ ham ne chun ke garche haiñ chaar tinke

ham ko aziiz jaañ se ye āshiyāñ hamārā

mahv-e-duā hai har dam urdu zabāñ hamārī

yā-rab rahe salāmat amn-o-amāñ hamārā

har gul kā rang alag hai har gul kī bū judā hai

har dam rahe mahaktā ye gulsitāñ hamārā

zehn-o-dil-o-zabāñ par sah-rangī hai tarāna

fat.h-o-zafar kā parcham qaumī nishāñ hamārā

iqbaal ka zaman hai jo hai zaman hamara

hindostan hamara sara jahan hamara

taksiriyat ka hamil jamhuriyat ka hamil

azmat-nishan sarasar hindostan hamara

zar ki hawas nahin kuchh shohrat mein ras nahin kuchh

sar par rahe salamat ek saeban hamara

rakkhe hain hum ne chun ke garche hain chaar tinke

hum ko aziz jaan se ye aashiyan hamara

mahw-e-dua hai har dam urdu zaban hamari

ya-rab rahe salamat amn-o-aman hamara

har gul ka rang alag hai har gul ki bu juda hai

har dam rahe mahakta ye gulsitan hamara

zehn-o-dil-o-zaban par sah-rangi hai tarana

fath-o-zafar ka parcham qaumi nishan hamara