is liye dil burā kiyā hī nahīñ
zindagī merā faisla hī nahīñ
is qadar shor thā mire sar meñ
apnī āvāz par rukā hī nahīñ
baḌī ḳhvāhish thī mujh ko hone kī
ho gayā huuñ to kuchh huā hī nahīñ
zulm kartā huuñ zulm sahtā huuñ
maiñ kabhī chain se rahā hī nahīñ
paḌ gayā hai ḳhudā se kaam mujhe
aur ḳhudā kā koī pata hī nahīñ
toḌ Daalo ye haath paañv mire
jism kā to muqābla hī nahīñ
tum kahāñ ho zarā sadā to do
is se aage to rāsta hī nahīñ
is liye dil bura kiya hi nahin
zindagi mera faisla hi nahin
is qadar shor tha mere sar mein
apni aawaz par ruka hi nahin
baDi KHwahish thi mujh ko hone ki
ho gaya hun to kuchh hua hi nahin
zulm karta hun zulm sahta hun
main kabhi chain se raha hi nahin
paD gaya hai KHuda se kaam mujhe
aur KHuda ka koi pata hi nahin
toD Dalo ye hath panw mere
jism ka to muqabla hi nahin
tum kahan ho zara sada to do
is se aage to rasta hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
