ishq mein dil ka ye manzar dekha

ishq meñ dil kā ye manzar dekhā

aag meñ jaise samundar dekhā

kho ga.e ham tirī aahaT pā kar

ya.anī āvāz ko sun kar dekhā

jis ko sun kar na yaqīñ aa.e kabhī

fī-zamāna vahī aksar dekhā

nā-rasā.ī-e-junūñ mohkam hai

ham ne dīvār meñ dar kar dekhā

dil pe ik naqsh-e-kaf-e-pā ubhrā

ek sahrā meñ gul-e-tar dekhā

maiñ vo momin huuñ ki jis ne patthar

kabhī chūmā kabhī chhū kar dekhā

Duub jaane kā ḳhayāl aayā jahāñ

vahīñ pāyāb samundar dekhā

bas-ki mansūb thā ik naam ke saath

mutma.in hī dil-e-'aḳhgar' dekhā

ishq mein dil ka ye manzar dekha

aag mein jaise samundar dekha

kho gae hum teri aahaT pa kar

yani aawaz ko sun kar dekha

jis ko sun kar na yaqin aae kabhi

fi-zamana wahi aksar dekha

na-rasai-e-junun mohkam hai

hum ne diwar mein dar kar dekha

dil pe ek naqsh-e-kaf-e-pa ubhra

ek sahra mein gul-e-tar dekha

main wo momin hun ki jis ne patthar

kabhi chuma kabhi chhu kar dekha

Dub jaane ka KHayal aaya jahan

wahin payab samundar dekha

bas-ki mansub tha ek nam ke sath

mutmain hi dil-e-'aKHgar' dekha